9/12/2005

病晴雯勇補雀金裘

迪士尼今日開幕。點病都要賀一賀佢。

1.
我係旺角人、多年無牌小販忠實顧客,一向都唔多鍾意食環署。食環署向以對無牌小販苛刻而惡名昭著,不過做政府心理輔導的朋友說,食環署的人工作和心理壓力最大,很多人間慘劇。某些時候,對他人的嚴苛是自身所遭受的嚴苛之投射,吧。

在這種複雜心情投射之下,除帽事件真係ok有娛樂性架,有什麼更能比這彰顯童話的霸道(又合乎常識法理)呢?一個惡霸遇上另一個惡霸,我們繑手看他們互相道歉。相比之下,獵奇行動在開幕晚會前的示威,幾乎得不到(電視)報導﹐實在太慘了。

在迪士尼以大金礦形象出現的日子大家都忍氣吞聲或者聲嘶力竭,但看來若宣傳時間愈長,愈到後來負面新開就愈多,在此誠祝迪士尼負面新聞日日不斷,不斷為我們提供真正的歡樂。

本週精明眼:《迪士尼不是樂園》據說斷市了。我買落個本亦搵唔到。頂。

2.
去迪士尼玩一趟是天價。我擔心的是,因為天價,因為難得,「去迪士尼」反而成為孩子的夢想。那才是真真正正的仆晒街。

城市論壇裡一個孩子說,如果迪士尼向學校提供優惠價就好了。我就咳咳咳著想跟他說,咪亂諗野啦,減極都唔係一個「學校旅行」規模可以接受的程度呀,人地唔受你玩呀咳咳咳,同佢絕交啦咳咳,佢正衰人黎架咳我有咳咳咳佢既好多咳咳黑材料呀………怨恨怨恨怨恨,對方是以愛與和平為表面剝削為內裡,我們便以怨恨攻擊為表面世界大同為內裡:咬死佢!咳愛你地。之類,卦。

3.
絕招來了。迪士尼你死期到了!

各位姊妹各位姊妹!吳彥祖都反迪士尼呀!<--此句標紅色,粗體,建議加心型。對直屬fans不妨稱Daniel。不必鼓勵細看內文,一來英文,二來免滋生內部矛盾——看最後兩段就夠了。Daniel係咪你心愛/理想男人丫?就算迪士尼係你童年好玩伴,咁為心愛男人放棄童年玩伴,好合理丫係咪!仲係好想去?為愛情犧牲係呢個時候勒!

此時,鏡頭跳接到情商客串的(準)中產女性郭某、劉某接受訪問,純真地道:「係呀,我都好鍾意吳彥祖,我點都唔去迪士尼架勒!(雙眼齊齊放光)為了Daniel,boycott Disneyland!」(如能發明手勢更佳)

正所謂sisterhood,先救姊妹!

19 comments:

Anonymous said...

我開了個blog, 叫"她約我拆迪士尼". link了幾個原因. 遲下先諗諗點搞......

Anonymous said...

(睇完呢篇野真係開心死, 可惜我享受唔到sisterhood疪蔭)

關於第2段, 前陣子聽了個(據說是)真實個案: 有間特別多弱勢社群學生入讀的小學, 其校長乃是熱心之人, 想帶一班窮學生去迪士尼尋夢, 於是去信迪士尼, 望佢提供優惠之類... 結果呢, 迪士尼大發慈悲, 話每張門票可以減佢五蚊喎 (定係5% off, 唔鬼記得). 死未.

TSW,或鄧小樺 said...

思存:係咪真架?!捉住佢黎唱啦!

昌:搞野之餘,要記得自己的工作呢………

陳志華 said...

小樺贈慶之餘,要記得好好養病呢......

在電視見到迪士尼搵成班細路懶cute咁賣廣告,實行打細路仔牌,等佢地扭阿媽阿爸計,就驚。

昌,她約我拆迪士尼,勁!

Anonymous said...

小樺你好可愛呀.幾時黎中大? 好想見下你呀.

TSW,或鄧小樺 said...

黐線
開幕新聞一面倒唱好不特止,額外俾多十分鐘賣告,連某d擺明做騷的場面都播,黐線

睇到發癲,要咁樣發狂唱好,肯定前景好唔樂觀。死梗啦香港。

個個領導人都好似自己家族生意咁,話國際資本睇中香港,弗上腦咩,呢個都係好處?d錢唔到手架!

Anonymous said...

我要把這篇貼到我處力介,等你打救埋我d 姊妹。沒問題嗎?

陳志華 said...

唉,發神經,竟然搞直播訪問米奇老鼠。搞到我要杯葛埋今日D電視新聞。

TSW,或鄧小樺 said...

去吧年年!讓她們知道我不只會料屎。

Anonymous said...

翻查過舊報, 「大部分學生均是低收入家庭子女的鮮魚行學校,成功籌得9萬元獎勵200多名『交齊功課』的學生到迪士尼樂園遊覽。該校校長梁紀昌數度與迪士尼接觸,希望取得門票折扣,但迪士尼最後只答允每張門票給予5元優惠。」(經濟日報2005-07-16) (註: 鮮魚行全校也只是二百多名學生, 45%來自綜緩家庭)

可惜校長沒有藉此篤破學生的迪士尼夢, 他們籌夠錢後仍乖乖買票, 會於11月11日出發。

Anonymous said...

因為楊學德身在日本(佢話去日本迪士尼喎),央我出手代畫一期東Touch「標童」。
我問佢可不可以玩迪士尼,佢話人地o的潮流雜誌猛sell迪士尼,玩呢個題目要聰明一點喎....;現在我頭都爆,仲有一星期deadline...

Anonymous said...

小樺,屎戰爆發是不是因為大家係到互料?
咁我地呢D庸俗既觀者先能被人滿足。哈哈哈!

TSW,或鄧小樺 said...

電視台都是收了錢的。香港早晨一完就有迪士尼時段。不過等而下之的,當然是香港政府貼錢又開路。精明的香港人,千祈唔好去迪士尼,以免資金外流。

呢幾日我覺得好瘀,真係好瘀。咁多party夾埋黎做台大龍鳳出來,不過為放隻老鼠入米缸。

ch,你得架!你都唔得冇人得架勒!
lina,你是這裡唯一一個話我可愛的。

另外,支援熊一豆(不是搞寸party):http://hungonebean.blogspot.com/

Kwok Sze Wing said...

真係淨係聽電台都會發顛。
昨天財經新聞說:「今日係香港迪士尼開幕,股市表現牛皮……」
看來,迪士尼已經成為一切的源頭,厲害過弗洛依德的「性」。

關於手勢:
就用「友善的I」,如何?

TSW,或鄧小樺 said...

迪士尼開幕當日,大部分高級零售股都下跌,因為迪士尼的開幕只會對它們有害而無利。其實香港經濟大部分係靠呢d高級零售業。

政府都唔知諗乜的。

TSW,或鄧小樺 said...

陳慧琳在迪士尼拍完mtv後都話以後唔去迪士尼,但係……陳慧琳同吳彥祖之間的距離,就是男性與女性的距離,女人正幾多。sisterhood。

哎呀好悶,開始當呢度icq。

Eric Spanner said...

我成日話:開blog如開pub。冇錢學人做生意就開個blog呼朋喚友拉街客。

迪士尼o者,同減息加息賣地入世出世等等差唔多,慢慢影響股市就有,又唔係911,即時反應幾大呢。

既然有「中國概念」、「申奧概念」、「入世概念」、「濠賭概念」,點解重未冇「迪士尼概念」?

matt said...
This comment has been removed by a blog administrator.
matt said...

我剩係想襯而家去海洋公園玩,起碼同胞少左