6/25/2007

official saying


本人髮型的比喻包括:
.曹汶(本人發明,智海引為知言)
.貴婦(想稱讚又要扮cool者如謝某)
.美杜莎(學院派尤其文學系專用,如練仙和蠢材張某)
.戴左棵樹上個頭度(本人發明,受到artist 阿wing大力認同)
.法官(葉寶琳,呢個比喻都可謂乾枯)
.獅子(浩賢。乾枯猶勝葉寶。)
.唐樓失修之後亂咁岔晒出黎的電線(由A提出。本人滿意。想來是A發現對我不夠好了,花了心思。就以「唐樓電線」為本人髮型的官方形容。)


事實上,唐樓總是失修的。下圖為本人昨天花了近一小時在洗頭時解開頭髮糾結後不可不剪的死硬派(一開始真係好似成餅要成個頭鏟左佢架陰功),咁剪法遲早要剷青。據聞狗的毛髮如果這樣打成死結,是憂鬱自閉。

據聞脫離身體的東西,都是令人作嘔的卑賤物。




呢個幾好笑。

17 comments:

黎健強 said...

浩賢曾是我的學生, 我為他的乾枯致歉.

TSW,或鄧小樺 said...

哇黎生!點解你會在此出現並回應這麼無聊的事情………受寵若驚受寵若驚……

請繼續努力呀

M said...

呢位同學, perm左就係會kick架啦, kick唔代表要剪左佢架喎(此舉實在令我極度驚訝);kick就係提醒你要用護髮素,用護髮素唔代表會整直d頭髮,洗頭時仲要用梳梳下佢,咁就唔會kick,乾左又會變番靚靚同唔kick囉。

極度羞愧扮冇事 said...

但佢真係kick到一個地步,似係露宿者咁上下個結構勒喎………係餅呀,餅呀!

細 said...

我成日都係咁架啦,但係無人會見到架,淨係自己摸到喳嘛,用護髮素就得架啦,信我啦

嘉雯 said...

終於睇清睇楚你個頭,絕讚呀!

Martin Oei said...

我只係諗起唐樓嘅電話線,果堆喺舊樓地牢一個陰暗角落,好鬼多小強出沒果堆線。我第一份工做電訊公司果陣,領教過。

年年 said...

朋友, 你個髮型如果每日吹亂D整鬆D唔俾佢塌落來, 應該會更好睇

TSW,或鄧小樺 said...

點解吹亂d整鬆d又唔塌落黎?邏輯謬誤喎。

TSW,或鄧小樺 said...

sorry,上一個留言只係一時科學過度,其實我個心係好鬼謙虛咁想求教的。年年小姐!究竟係咪有令佢又亂又鬆又唔塌落黎的方法??叩問!!

eg9515 said...

你爭支權杖

TSW,或鄧小樺 said...

權你個頭呀
不過有枝權杖,扑人可能會有效 D
正所謂一寸長,一寸強

細 said...

都話只要你洗完頭唔好等佢乾即刻訓第二日個頭就會好髮好大架啦
不過咁樣就會打kick,loop哂,問你死未,卡卡卡卡

TSW,或鄧小樺 said...

………細。

總之而家後尾枕右方被剪了一大舊之後,通風改善(最近真係熱到呢),但好明顯係薄了很多呢

M said...

氣質攝影師,可唔可以send番d氣質相俾我?我好恨拎出黎曬!

TSW,或鄧小樺 said...

我貼在這裡好不好?正所謂有好野咪收埋!

M said...

咦...人家怕醜喎...(面紅中)