8/23/2005

五個怪癖

(實在太多人寫了,愈來愈難寫。)

1.曲膝坐法。

(前提:有地就坐,無端端做乜要企?)

一般來說,一坐上凳就會有曲起一條腿壓在屁股下面。如果打算坐上久一點,二話不說就脫鞋盤膝。遲些就會靜脈曲張,現在籮柚已經夠大。

2.不夠高貴的無意識

我有一部分的衣服格調相當高貴,但穿上它們之後我總是無意識地做些不相稱的行為。有時穿著雪白行政長袍(造型參見《妙手仁心3》),突然會發現自己站在街邊篤咖喱魚蛋,咖喱汁滴到飛起。而我平時係唔食咖喱魚蛋的。穿著全黑長裙配銀長鍊,個煎釀三寶袋突然會穿左!咁就成身成手都係豉油勒。

又試過身穿淺藍繡花小鳳仙裝上衣、藍紫絲裙,上班時間在黃大仙區暴走搶的士,尖呼「車呀仆街!」

至於穿窄身長裙打羽毛球和穿唐裝打排球,呢d係自由意志的選擇,不屬於無意識範疇。

3.突然會興起吃掉別人吃剩的殘羹。

有一晚在學生報,有個朋友七點吃剩了半碟餐肉蛋飯,還有一條青菜。然後到十一點,我突然心血來潮,吃掉了那隻蛋。再過半個鐘,又心血來潮吃掉了那半片餐肉。到三點鐘,把剩下的有淋豉油的飯都吃掉了,只剩白飯和青菜。當時我一點都不餓。這個怪癖近來又發作過一次,但過程已經不記得了。

其實我也會隨時隨地進攻他人盤子裡的食物,即張大春所謂的「飯匙欠」。不過這個不算怪癖吧。


4.間隔暴走症

20歲後開始會被間隔引發高亢情緒,舉例而言如在台下聽演講、聽課時,會高聲笑出來、喊話上去,到後來自己上台演講時,就會產生想衝下台和觀眾玩的慾望,於是演講突然會變成(用咪)與台下某個人(不相識的)鬥嘴,人皆以為鄙人失控。但這是……為了世界的平衡……很偉大的。

5.亂間書。

間書對我而言沒有「提示重點」的作用,只是「幫助運作」。艱深的書一定要間才能看入腦,間書一定要用optex的淺藍色螢光筆,齋間關鍵詞唔夠,精警句子又間,重要轉折又間,例子又間,結果全本書係唔係都間晒。如果精神唔夠,會無端端間埋「what」、「because」、「too much」呢d唔拉更字詞;有一次太眼訓,乾脆全段間晒,第朝再睇。


指定接棒:

李潔茵
浩二
小低
孤草
matthew

想指定佢地但佢地未必會接棒:

李智良
譚棨禧
american boy
葉輝

8 comments:

素雯 said...

李潔茵是不是你和我都識的那個?

Frostig said...

乾脆全段間晒,第朝再睇???
Then why did you highlight it? Really VERY strange habit, haha! I like you even more now, tsw!!!

Anonymous said...

你好!!! 我是random人.
好感動!! 原來世上仲有人同我一樣有"亂間書"的怪癖. 不過我是用原子筆間, 間錯左會用塗改液塗番.

TSW,或鄧小樺 said...

其實有很多怪癖都被人寫了,好像楚的五個怪癖裡面有四個我都和她很接近啊

李智良 said...

嘩!又關我事?等我唸下邊D可以寫下來。

TSW,或鄧小樺 said...

我有一堆朋友
怪癖太多都唔知寫乜好
竊以為李智良你也是其中之一啊

Martin Oei said...

咁都係等我一代怪物黃世澤,個blog重新開張,講我的十大怪癖。

寫作機器領男 said...

怪癖
網友吹左好耐,我一定要寫自己怪癖:

1. 教授比既Assigned reading永遠唔肯睇,叫做既就搵盡辦法唔做,唔叫睇的就猛睇,叫你唔好做既就死都要做
2. 好想得到別人關心,但當人對自己有所表示,卻會惡語相向
3. 喜歡迫人家讀自己寫的文章
4. 喜歡叫人家send email比自己,但很享受收到之後唔覆既快感
5. 鐘意偷聽人講電話

網友比女朋友多,會寫blog的卻比女朋友少:
Rhetorical Pain
阿野
peachiestlife
Js諸事佚記