悲苦小劇場

世貿期間，將不斷送上作為無聊美點的小劇場，敬請留意。世貿不死，小劇場不息！各方好友就當為世貿犧牲一下！


好得之男仔約我睇戲。
我：睇邊套？
好得之男仔：《無國界追兇》！
我：（頹）好睇咩……講世貿架？
好得之男仔：係呀有關架！
我：……好啦。下星期二好唔好？
好得之男仔：下星期二我約左人睇《如果愛》喎。成個12月最期待呢套。


點解約人地就係睇《如果愛》，約我就睇《無國界追兇》！？呢個世界仲有冇公平可言！！不禁傷感地想起本人歷年求的姻緣籤：
中籤：古人項羽被困
人雖勇力不能當／莫恃英雄獨冠場／可挾泰山超北海／身心猶貴重存亡

四面楚歌……駛唔駛去得咁盡。不過，上年終於求到上簽：

上籤： 古人陳橋兵變
春來雷震百蟲鳴／番身一轉離泥中／始知出入還來往／一朝變化便成龍

解曰「雷發時轉、出入兩存、一朝變化、直到天門」呀，呢鋪仲唔到我出位？！但係，千變萬變有樣野始終唔變：點解我D姻緣籤，都係以軍事意象為主的呢………《看來，無國界追兇》都係宿命咯。