3/31/2006

終於輪到電影節

寫完啟蒙幾天,終於有力氣打開電影訂票手冊(我們都習慣同時用兩本:a本看簡介的,b mark時段,mark完時段再抄到a的表格剪下)。電影節,總是記錯日子去錯地方遲到睡著,或者坐在門口抽煙,突然覺得錯過就錯過算了。兩年前平生第一次看電影睡著,之後便很容易入睡;有一次趕足四場,第三套時神智渙散,軟趴趴像pizza上的黏溶溶芝士。知道自己不復當年勇,後來也就不再敢太逞強。獨居後又難免手緊。訂票最多的一年是40張,去了超過半數,當贏。

沒錢又做論文,填來填去,叮囑自己不要買超過10套(又會有人說,應該不超過5套)。老實說,我覺得今年的精髓在「世界視野」——其實我每年看得最多都是世界視野——但因為做論文又沒錢,世界視野多半沒有中文字幕,格外耗神,成果又打七折。這樣說來說去,節慶意味就半點不剩了。

mark來mark去,發現Michael Haneke的"Caché"瀕臨滿座邊緣。急痛攻心馬上撞牆。一個人沒有時間沒有信用咭又沒有朋友,就會這樣。我已經,很快很快的了。可是再快再快,也快不過某個次序,先於我、我所力不能及的次序。

下面是買到的票,有緣一起看,不投緣的也請各自避開:

10/4科學館2130《賴小子》。講爛仔,而且係賈樟柯監製。
12/4文化中心2130《瑪利亞再生》。今年好鬼多茱莉亞.庇洛仙,講講下已經唔想睇。
14/4大會堂1030《太空夢》。因為俄羅斯的關係,咁多套世界視野我揀左呢套,朝早1030去做英文dictation,我係咪黐左線。
1230太古城《打雜詩人》。呢套我應該又係搞錯左。對我地呢d聲色犬馬香港地大既人黎講,北歐片就算講到幾咁「黑色幽默」,應該都係cool到發癲。
16/4科學館《噩夢威力:恐懼政治抬頭》阿晨推介
16/4科學館2100《虛實遊戲:齊澤克反轉再反轉》。真係呢,如果大家黎呢個blog,對呢個名成日o呢度出現好不解,咁不妨去睇下。
18/4文化中心《嘉比愛》。伊莎貝.雨蓓。

另外,《隱藏的恐懼》呀……冇陰功呀………企位都好呀…………已經扭開晒d重點片,都買唔到想買的,求全之毀呀……。

9 comments:

Eric 'Spanner' said...

《Cache》好似係「大師級」呢part喎。

另,連結呢篇至電影節筆記連線:
http://www.hkifflink.net/2006/04/01/347/

陳志華 (gucao) said...

《賴小子》同場啊!

《隱藏的恐懼》個名後面有個括弧暫譯,我多心認為係有片商買左,萬一今次真係無緣睇到,都未使馬上撞牆,話唔定轉個頭又有得睇。當然,我也希望小樺有貴人相助,今次可以睇到。

TSW,或鄧小樺 said...

孤草!孤草!你超好人啊!我知道,雖然你個樣似法國貴族,但係你個心,係同我地呢d死爛仔同一邊的!

陳志華 (gucao) said...

其實也買了票看《瑪利亞再生》和《齊澤克》,不過不同場。

哈,試過有南美人士把我錯認作同胞,咕嚕咕嚕跟我說了句唔知葡萄牙定西班牙語。看來我個樣不單似法蘭西人,連南美都殺埋。

TSW,或鄧小樺 said...

世界性的魔幻寫實啊

matthew said...

我也買不到《隱藏的恐懼》,豈有此理。

matthew said...

我也買不到《隱藏的恐懼》,豈有此理。

TSW,或鄧小樺 said...

係囉matthew!我地捧緊《暴狼時刻》的時候,你話個d香港人去左邊!我仲以為香港人唔鍾意michael Haneke呀………

matthew said...

小樺,你是我的知音啊...
終於大家都捧Haneke了,我們可以全身而退。