1/19/2007

《u magazine》


我以前睇壹仔既,認同地痞阿叔feel——偷偷地講你聽我試過睇余家強訪問萬綺雯睇到喊(訪問一點都不慘,只是很強烈地感到某種被壓抑的期望與能量被扭曲之後寄託到不真正相關的形像上)。但後來d故仔實在唔好睇,意識型態上的差異就掩藏不住了,雖然我仍然支持余家強和方俊傑(可惜電視節目表都有跌watt之勢呀),但我都係做逃兵了。對資訊的承受量很低,實在不知向後生推薦什麼雜誌好。那次向學生推薦《u magazine》,有同學引為知言!鄙人重奪「跟得上潮流」形象,與其說是推薦,不如說是被拯救吧。

今期《u magazine》有陳滅!誰敢不買。仲有鄙人低炒但冇非雙下巴的靚相(滴淚感激!天星期間九成都影得超衰!),夠膽就買。本土藝術要在以旅遊為主題的雜誌裡存身,果然是生活在他方。

抗世詩話blog。陳生的家居書相與我的有得揮。

8 comments:

小奧 said...

冇睇一本本的雜誌
但訂開網上版壹仔便繼續睇
意識形態係好唔同feel
不過睇book A多
百姓的訪問

另外做寄居蟹都係生存之道呀

忽然又懷念一下以前的雜誌....

Anonymous said...

十年前壹仔的曹雪聰我很喜歡,他在那裏呢?壹仔近期有條大罪:竟冇訪問張戒!但U Magazine有!還做得不錯,另外陳冠中的也好。

陳志華 (gucao) said...

低炒影得咁靚,超妒忌。今期《u magazine》果然值得珍藏。

TSW,或鄧小樺 said...

小奧:以前壹仔「坦白講」一向係我至愛,短短一篇文睇到驚心動魄。但寫手換左之後我覺得真係唔得,連長篇訪問都唔好睇了。陳惜姿真係critical呀。

匿名者:我覺得u 的選角和angle都不錯,只是文氣未出,有d位爭少少令人覺得好可惜。

陳志華:係啊!我都好妒忌個攝影師啊!

CMY said...

曹雪聰現在是東方新地的老總了! 其實我很掛念壹仔A書做人訪的李志豪呢!

小奧 said...

當年曹雪聰不錯,陳惜姿也很好
還有一兩個,都是book a 的
book b 有個月如惠,風格跟曹雪聰相似,寫潮流野

TSW said...

余生也晚,冇乜睇過曹雪聰
不過小奧真係行家!月如惠真係好野呀!當年我搵過佢黎做教材,內容大概係佢寫圓領T恤,將圓領T恤黨同打呔黨作對比,講全民爭取普選呀!陰公DT恤又何嘗唔係高級牌子幾千蚊件,佢咁都拗到過黎整D地踎庶民FEEL呀!超級勁。

Anonymous said...

曹雪聰有個blog http://tsosuetchung.mysinablog.com/
輯錄東方新地文章,有排睇