《秀才遇著兵》大結局

男女之間的角力成為最後主題，萬麗君俾紹泉刮一巴就愛上紹泉（但迫婚橫蠻如昔）疑指女人唔打唔得，幸好紹泉平時是無鬼用小書僮一名，根據等級差序說，當扯個平。丈夫們以詩社蔽花酒，太太操兵上門找晦氣，同看的a說這是彭浩翔《大丈夫》，可謂目光如炬。但看來編劇是女人吧，花心丈夫們最後都係要遊街，嘉年華氣氛嘉年華邏輯（即係乜都講笑唧）大家乜都冇所謂仲鬼咁恩愛。拾義妹當上大女人位置，消解一開戲水東樓的名句：「唔明你又要問，問你又唔做，做你又做錯」之中，男性掌握智性權威位置——最重要的是，這場通過消解水東樓的權威（眾賊仔話：哦原來你係咁既我以後都唔聽你枝笛勒）來消解在劇情中由負面變回正面的「官」的形像。當然其實我睇到毛士生非四條友點樣用個場大演群戲，我已經好滿足。以大結局來講，相常不錯。長今結局在山洞為產婦開刀，我地幾個眾口一辭：都傻傻地既。